माळजाई देवी मंदिरात महाआरतीचे आयोजन...
फलटण कोरेगाव मतदार संघाचे आमदार सचिन पाटील व लोकनियुक्त नगराध्यक्ष समशेरसिंह नाईक निंबाळकर यांची महाआरतीस उपस्थिती
फलटण : लायन्स क्लब फलटण संचलित माळजाई मंदिर व उद्यान समिती, फलटण यांच्या वतीने आयोजित करण्यात आलेल्या नवरात्र व दसरा महोत्सवानिमित्त सोमवार, दिनांक १२ ऑक्टोबर २०२६ रोजी श्री माळजाई देवी मंदिरात अभिषेक, आरती व महाआरतीचे आयोजन करण्यात आले आहे.
तसेच, सायंकाळी ठीक ७ वाजता श्री माळजाई देवीची महाआरती आयोजित करण्यात आली आहे. या महाआरतीस फलटण-कोरेगाव विधानसभा मतदारसंघाचे आमदार श्री.सचिन पाटील व सौ.गौरीवहिनी सचिन पाटील तसेच फलटण नगरपरिषदेचे लोकनियुक्त नगराध्यक्ष श्री. समशेरसिंह नाईक निंबाळकर व सौ.मनीषावहिनी समशेरसिंह नाईक निंबाळकर हे उपस्थित राहणार आहेत. यावेळी लायन्स क्लब परिवारातील सर्व सन्माननीय सदस्यांचीही उपस्थिती राहावे ही विनंती.
नवरात्रोत्सवाच्या या मंगलमय पर्वात श्री माळजाई देवीच्या दर्शनाचा, अभिषेकाचा व महाआरतीचा लाभ फलटण शहरासह परिसरातील सर्व भाविकांना घेता यावा, यासाठी सर्वांनी वेळेवर उपस्थित राहावे, असे आवाहन लायन्स क्लब फलटण आणि माळजाई मंदिर व उद्यान समिती, फलटण यांच्या वतीने करण्यात आले आहे.
- दिनांक: सोमवार, १२ ऑक्टोबर २०२६
- सकाळी ७.३० वाजता: श्री माळजाई देवीचा अभिषेक व आरती
- सायंकाळी ७.०० वाजता: श्री माळजाई देवीची महाआरती
- स्थळ: श्री माळजाई देवी मंदिर, फलटण
